«I mitt namn skal dei drive ut vonde ånder»

Det var den fjerde dagen i september 2005. Geir Stomnås hadde på seg ei kvit bukse og ei kvit skjorte, og stod med vatn til midja. Det var nesten tretten år sidan han blei ordinert til prest.

Meir enn tre hundre augo følgde med frå dei raude stolradene då pastor Gunnar Jeppestøl dukka han under vassoverflata i dåpsbassenget.

Opp kom pinsevennen Stomnås. Seinare i møtet blei han innsett som pastor i Filadelfia Vennesla.