Vigeland: – Ja, det blir ny møtehelg
VEKKING: Førre helg samla det seg 1400. No bekrefter arrangøren ny møtehelg i juni.
Sist helg var Lindesneshallen fylt til randa, då Normisjon-forsamlinga på Vigeland arrangerte møtehelg på nytt. Samlinga av drygt 15 menneske til søndagsmøta i meinigheita, har vakse i stor fart etter ei møtehelg i november.
Fredag og laurdag kunne Vårt Land rapportere om full sal, noko som svarer til 1400 menneske.
– Tenk, det er nesten like mange i hallen her no som det er innbyggjarar i Vigeland, sa Geir Norum frå podiet laurdag kveld.
– Ein del ting skal klaffe
Norum er styremedlem i Vigeland bedehus, og kan fredag bekrefte at det blir ny møtehelg.
– Ja, det blir det. Men vi har ikkje sett datoen heilt enda. Det er ein del ting som skal koordinerast og klaffe, men det blir ei møtehelg til i juni, i alle fall, seier Norum.
Datoane klare i neste veke
Nærmare datoar blir bestemt i begynninga av neste veke, og Norum fortel at informasjon blir publisert på Facebook-sida deira.
Blir det i Lindesneshallen da også?
– Ja, det er det vi prøver å få til, seier han.
Liselotte Bakkevig Tonheim er journalist i religionsavdelingen i Vårt Land.