Ap-minister: – Eg har på ein måte lyst til å tru
– Eg skulle på mange måtar ønska at eg hadde gått all in. Eg har på ein måte lyst å tru på Gud. Men det får eg meg ikkje heilt til.
Åsmund Aukrust sit i sakristiet til Oslo Domkyrkje, omkransa av portrett av Oslo-biskopar tilbake til 1525. Det er tysdag, nøyaktig to veker etter at han stod på Slottsplassen og tok mot blomar som ny utviklingsminister.
Den ferske ministeren har varme auge, men svarar gjerne litt svevande og distansert. Han brukar ofte ordet «man» i staden for «jeg».
