Olaug Bollestad (KrF) er framleis sjukemeld
POLITIKK: Olaug Bollestads sjukemelding er blitt utvida til 30. juni.
Sjukemeldinga til partileiar i KrF Olaug Bollestad er blitt utvida. Det stadfester KrFs presseavdeling til Vårt Land.
Ho har vore sjukemeld sidan 10. juni, og sjukemeldinga varte opphavleg til og med i dag. No blir den utvida til etter sesjonsslutt på Stortinget, opplyser KrFs presseavdeling. Siste møtedag i vårsesjonen på Stortinget, er fredag denne veka.
Nestleiar Dag Inge Ulstein fungerer som partileiar og Hadle Bjuland møter som Bollestads vara i Stortinget i perioden.
Bollestad var også sjukemeld nokre veker i fjor sommar etter at mannen hennar fekk hjerneblødning. Då sa ho at ho hadde behov for å samla krefter etter å ha teke vare på mannen, ifølgje NTB.
Olaug Bollestad har vore partileiar i KrF sidan november 2021.
Maria Lavik er nyhetsjournalist i Vårt Land. Hun skriver ofte om klima, landbruk, distrikt, abort, politikk, økonomi og ulikhet. I tillegg har hun skrevet flere reportasjer med tidsvitner til Norges nære historie. Hun har over 20 års erfaring som journalist, master i økonomisk historie og har skrevet en bok om barnefattigdom.