Lovar eit godt land å vekse opp i
Barneministeren etterlyser betre kommunal samordning av tenester til barn og unge.
«Norge er et av verdens beste land å vokse opp i. Sånn vil vi at det fortsatt skal være. Regjeringens mål er at alle barn og unge, uansett bakgrunn, skal ha gode oppvekst- og levekår», lovar Solberg-regjeringa i innsatsplanen for barn og unge som blei lagt fram i går.
Barneminister Solveig Horne (Frp) har ei utfordring til Kommune-Norge, som skal levere svært mange av dei tenestene som trengst for at alle barn og unge som veks opp i Norge opplever at landet verkeleg er mellom dei beste.
– Kommunane må bli betre til å jobbe på tvers av sektorane, dei må sjå alle tenestene under eitt, meiner Horne.
LES MER: Slik vil de bekjempe barnefattigdom
140 tiltak
Under leiing av barneministeren har arbeidsministeren, helseministeren, justisministeren, kulturministeren og kunnskapsministeren laga innsatsplanen; ein oversikt over kva regjeringa har gjort til no og kva ho har lova å gjere i åra som kjem.
Planen er organisert i fire hovudområde:
• Familie og nærmiljø.
• Barnehage, skule og arbeidsliv.
• Helse og velferd.
• Kultur og fritid.
– Her er det snakk om rundt 140 tiltak og innsatsområde, fortel Horne.
LES MER: Barnehage gjev til fattige barn
Blåblå lovnad
Dei blåblå har denne lovnaden til barn og unge som veks opp medan Erna Solberg er statsminister, og Høgre og Framstegspartiet styrer landet:
«Alle barn og unge skal ha tilgang på gode tilbud og tjenester, uavhengig av sosial, økonomisk og etnisk bakgrunn, og hvor i landet de bor. Alle skal ha muligheter til å delta og bruke sine evner. En god barndom og ungdomstid er viktig i et livsløpsperspektiv, og kan spare den enkelte og samfunnet for store sosiale og økonomiske kostnader.»
Bjørgulv K. Bjåen er journalist i nyhendeavdelinga i Vårt Land. Han har arbeidd i Vårt Land sidan 1992 og har tidlegare vore deskjournalist, vaktsjef, nyhendeleiar og samfunnsredaktør (nyhenderedaktør) i avisa. Han skriv særleg om asyl-, flyktning- og integreringspolitikk, oppvekst og utanriks – og konsekvensar av vedtak i regjeringa og Stortinget.
