Lækjedomsmøte skapar debatt på Sunnmøre

At Den kjende lækjedomsevangelisten igjen inntek lokala til Den norske kyrkja, har skapt debatt blant kristenfolket på Sunnmøre, skriv Sunnmørsposten. Laurdag kveld held Pedersen møte i Ørsta kyrkje.

Soknerådsleiar Roar Stokken meiner «ei brei folkekyrkje bør vere open for dette».

Pedersen seier jo at han har same Gud som kyrkja, så dermed kjem han innanfor våre grenser, seier Stokken til lokalavisa.

Jeg forkynner ikke noe annet enn hele evangeliet, og jeg står på kirkens syn i det at Gud kan helbrede og frelse. Så det er ikke noen motsetning i det hele tatt, seier Pedersen sjølv til DagenMagazinet.

LES OGSÅ: Tabloid-kirke for de utvalgte

Kollekt. Vanlegvis tek Pedersen inngangspengar på møta sine, men det er ikkje aktuelt i Ørsta kyrkje.

I staden vert det kollekt, seier soknerådsleiar Stokken.

Fungerande biskop Øystein Bjørdal er skeptisk til Pedersen, mellom anna fordi evangelisten på TV 2 for nokre år sidan oppmoda sjåarane til å leggje hendene på TV-apparatet for å verte lækja.

Slikt er ikkje i tråd med Bibelen eller kristen tradisjon, seier han.

LES OGSÅ: Svein Magne Pedersen åpner bergenskontor

Bispen ikkje informert. Bjørdal meiner soknepresten burde ha sette foten ned for arrangementet. Sokneprest Matias Austrheim seier at det er soknerådet som bestemmer i slike saker.

Soknepresten hadde høve til å ta opp dette spørsmålet med prosten og biskopen. Det har ikkje skjedd, seier Bjørdal.

Heller ikkje prost Evy Risa Kvamsdal kjende til møteplanane før ho las annonsen i lokalavisa.

LES OGSÅ: Helbredelsespredikant ba for legestudenter

«Stunt». Sunnmørsposten har titulert Pedersen som «stunt-healer» i overskrifta.

Kjært barn har mange barn. Ha, ha. Jeg bare smiler. Jeg tenkte litt over hva ordet betyr. En «stunt-healer» må vel være en som tar sjansen på at noe skal skje og hopper i det. Jeg tar sats i Jesu navn og tar sjansen. Den som intet våger intet vinner, seier Pedersen til DagenMagazinet.

Det er ikkje første gong Svein-Magne Pedersen held møte i Den norske kyrkja. I 2005 vitja han Loddefjord kyrkje i Bergen. Også då vart det debatt.

LES OGSÅ: Krever 200 kr. per helbredelsesbillett

Snåsamannen. I februar i fjor kasta han seg ut i debatten om «Snåsamannen» Joralf Gjerstad.

Nå er det blitt slik at alle vi som mottar penger for forbønn blir sett på som skurker. Det er helt forkastelig. Snåsamannen bør slutte å si at han jobber gratis, for han har sikkert mottatt store pengegaver, sa Pedersen til Dagbladet.

Gjerstad slo attende:

De som tar penger for å heale, har ikke evnen. Hvis jeg hadde tatt penger for å hjelpe folk, tror jeg at evnene mine ville forsvunnet, sa han.

LES OGSÅ: Lege helbredet av Pedersens salveduk