Har tre «alarm- knappar»
Tre organisasjonar har på eige initiativ starta å registrere hatkriminalitet i Norge.
Politiet strevar med å prioritere arbeidet med hatkriminalitet. Noko av problemet skuldast at justisministeren ikkje ber dei gjere det, fortalde Vårt Land i januar.
Vårt Land har gått gjennom Justisdepartementets tildelingsbrev til Politidirektoratet og Riksadvokaten for 2015. Desse to dokumenta legg rammene for kva politiet og påtalemakta skal prioritere og målast på. Hatkriminalitet er ikkje prioritert i 2015-breva.
LES OGSÅ: Sterk vekst i hatkrim mot kristne
Alarm, alarm
Tre organisasjonar – der den eine er eit trussamfunn – har på eige initiativ oppretta «raude knappar» mot hatkriminalitet på eigne nettsider:
• LLH - Landsforeningen for lesbiske, homofile, bifile og transpersoner har det dei kallar ein «Si i fra»-knapp. På heimesida står denne oppfprdringa:
«Har du opplevd å bli tråkket på?» Trykk på Si ifra»-knappen, del din historie, og stedfest hvor handlingen tok sted. Hjelp oss å hjelpe andre.»
• Antirasistisk senter har ein «meld-frå-om-rasisme»-knapp på nettida. «Har du vært utsatt for rasisme eller vært vitne til en rasistisk handling?» spør organisasjonen. Dei som meiner at dei er det blir bedne om å rapportere dette til senteret.
• Det mosaiske trossamfunn har også ein nasjonal «alarmknapp», ei eiga nettside der ein kan melde frå om antisemittisme:
«Antisemittiske handlinger og ytringer omfatter fysisk trakassering, verbal trakassering, psykisk trakassering og diskriminering av personer fordi de er jøder. Dersom du har opplevd slik trakassering, oppfordrer vi deg til både å rapportere til oss – bruk skjemaet nedenfor - og til å anmelde forholdet til politiet».
Forsking
Likestillings- og diskrimineringsombodet (LDO) har leverte ein analyserapport, Hatytringer og hatkriminalitet, om stoda i Norge. Her skriv ombodet at røynslene med hatkrim som desse tre organisasjonane samlar inn, ikkje blir brukt godt nok.
LDO meiner dokumentasjonen burde blitt brukt av forskingsinstitusjonar.
Bjørgulv K. Bjåen er journalist i nyhendeavdelinga i Vårt Land. Han har arbeidd i Vårt Land sidan 1992 og har tidlegare vore deskjournalist, vaktsjef, nyhendeleiar og samfunnsredaktør (nyhenderedaktør) i avisa. Han skriv særleg om asyl-, flyktning- og integreringspolitikk, oppvekst og utanriks – og konsekvensar av vedtak i regjeringa og Stortinget.
