Folk i Finnmark og Nord-Troms kan få sletta dobbelt så mykje av studielånet
Regjeringa vil auke sletting av studiegjeld i Lånekassen frå 10 til 20 prosent for personar som bur og arbeider i Finnmark og Nord-Troms.
I forslaget til statsbudsjett vil regjeringa også auke det maksimale beløpet ein kan få sletta per år frå 25.000 til 30.000 kroner.
– Dette vil gjere det meir attraktivt for unge med barn å busetje seg i dei nordlegaste regionane, seier finansminister Trygve Slagsvold Vedum (Sp).
Regjeringa foreslår også gratis barnehage for alle familiar med barn i Finnmark og Nord-Troms.
