FHI: Den nye koronavarianten er påvist i avløpsprøver i Noreg
VIRUS: Den nye koronavirusvarianten BA. 2.86 er påviste i avløpsprøver i Noreg, men i svært lite omfang, opplyser Folkehelseinstituttet.
Det betyr at varianten finst i nokre menneske i Noreg, utan at FHI veit kor mange det gjeld, skriv FHI.
Varianten har likevel enno ikkje vorte påvist i pasientprøver i Noreg. Så langt har varianten berre vorte påvist i nokre titals pasientar frå fleire land over heile verda.
Det er ingen indikasjonar på at BA. 2.86 gir meir alvorleg sjukdom enn tidlegare variantar, skriv instituttet.
Dei opplyser vidare at dei, saman med søsterinstitutt i andre land og World Health Organization (WHO), følgjer utviklinga av varianten.